28 de agosto de 2012

Banda de Gaites "Villa de Mieres"



Banda Gaites Villa de Mieres (Asturies).



Semeya oficial. Horru en Gallegos (Mieres)


La Banda de Gaites Villa de Mieres naz en Febreru de 1996 en Mieres, municipiu mineru del centru del Principáu d'Asturies, del cual toma'l so nome.


A pesar la so corta vida la banda ufierta una gran calidá, tantu musical como visual gracies a la veteranía y el dominiu instrumental de los sos integrantes. Ente ellos podemos topar un troféu MacAllan (Jorge Areces), y dellos de los meyor clasificaos nos concursos del Teatru Campoamor "Ciudá d'Uviéu" y el tornéu "Remis Ovalle".


Formada dende los sos anicios por xente de temprana edá, na so mayoría escolinos del so actual direutor, Jorge Areces, nel "Aula de Música Tradicional" del Conservatoriu de Música de Mieres.



Budapest 2004 (Hungría)


Les sos edaes comprenden dende los 8 a los 30 años. Na actualidá tá compuesta por 45 miembros de los cuales 35 toquen la Gaita Asturiana y los 10 restantes Percusión.


El repertoriu emplegáu ye tradicional Asturiano nun altu porcentax, anque tamién trabáyense composiciones y temes nun vinculaos a la tradición asturiana.


Los traxes qu'emplega la banda son tradicionales asturianos, extrayíos de llitografíes del sieglu XIX. Tán fechos en llana, de forma artesanal en telares antiguos.



Guingamp 2003 (Bretaña)


Actuaciones
La banda participó dende la so formación en fiestes, festivales ya eventos culturales de too tipo: desfiles, concentraciones, intercambios, teatros, auditorios ... de los cuales caben destacar participaciones en festivales de Francia, Bélxica, Inglaterra ya Escocia.

Tamién andechó con grupos y artistes tales como: Luz Casal, Victor Manuel, Carlos Nuñez, Carlos Rubiera, Skanda, Tejedor y Asturiana Mining Company.

En trabayos de difusión: documental sobre Mieres de la Productora Programes del Principáu, nel programa "Luar" de la Televisión Autonómica Gallega (TVG), nun reportaxe de la B.B.C. inglesa sol nuesu folclor y nun videu promocional d'España pa la RTP (Radiotelevisión Portuguesa) col motivu los mundiales de futbol Portugal 2004.

En próximas feches verá la lluz el so primer trabayu discográficu, el cual dispón de la collaboración del Ayuntamientu de Mieres y d'empresas radicaes nel conceyu mierense.



Semeya oficial. Palaciu de Cenera (Mieres)



http://www.bandagaitesvillamieres.com/presentaas.php 








                                                                           Banda Gaites Villa Mieres
                                                                                        G-33489105
                                                                          c/ Guillermo Shultz nº4 - 2º B
                                                                               33600 Mieres (Asturies).
                                                                     Tfnos: 98 546 60 00. Fax: 98 546 60 00


Trisquel Villa Mieres

No hay comentarios:

Publicar un comentario en la entrada